പ്രദക്ഷിണമെന്നാല്‍ ( പ്ര = വളരെ, വര്‍ധിച്ച, ദക്ഷിണ = വലതു ഭാഗം, തെക്ക് ) ഗര്‍ഭ ഗൃഹത്തിലുള്ള ദേവതയെ തന്റെ വലതു വശം കാണിച്ചു വൃത്താകൃതിയില്‍ ഭക്തിയോടു കൂടി നടക്കുന്നതാണ്. പ്രദക്ഷിണം ചെയ്യുമ്പോള്‍ നമ്മള്‍ ഈശ്വരനെ നമ്മുടെ ജീവിതത്തിന്റെ തന്നെ മധ്യ ഭാഗത്ത്‌ പ്രതിഷ്ടിക്കുകയാണ് ചെയ്യുന്നത്.
പ്രദക്ഷിണം ചെയ്യുന്നത് ഈശ്വരനെ ധ്യാനിച്ച്‌ വേണം ചെയ്യാന്‍. തന്നെ സമര്‍പ്പിച്ചു ഭക്തിപൂര്‍വ്വം, കൂപ്പുകൈയോടെ പ്രദക്ഷിണം ചെയ്യുക. ജീവിതം ധര്‍മ മാര്‍ഗത്തില്‍ കൂടി കൊണ്ട് പോകാന്‍ ഇത് നമുക്ക് ശക്തി തരുന്നു.
എന്താണ് പ്രദക്ഷിണത്തിന്റെ പ്രാധാന്യം? വൃത്തത്തിന്റെ മധ്യ ബിന്ദു പോലെയാണ് ഈശ്വരന്‍. നമ്മുടെ ജീവിതത്തിന്റെ മധ്യബിന്ദു, ശ്രോതസ്സ്, സത്തയും ആകണം ഈശ്വരന്‍. പ്രദക്ഷിണം ഇത് നമ്മെ ഓര്‍മിപ്പിക്കുന്നു.
പ്രദക്ഷിണ കണക്കുകള്‍ ഇങ്ങനെ: ഗണപതിക്ക്‌ ഒന്ന്, സൂര്യന് രണ്ടു, ശിവന് മൂന്ന്, ദേവിക്കും കൃഷ്ണനും നാല് ആലിനു ഏഴ്‌ .
നമുക്ക് പരിചിതങ്ങളായ പ്രദക്ഷിണങ്ങള്‍ ഇവയാണ്: അടി പ്രദക്ഷിണം, ശയന പ്രദക്ഷിണം, ഹോമാകുന്ടതിനു ചുറ്റും, ആലിനു ചുറ്റും...
ആത്മ പ്രദക്ഷിണമെന്നാല്‍ തനിക്കു ചുറ്റും തന്നെ ചെയ്യുന്നതാണ്. തന്റെയുള്ളിലെ ബ്രഹ്മത്തെ അറിഞ്ഞു ചെയ്യുന്ന പ്രദക്ഷിണം.
യാനി കാനി ച പാപാനി ജന്മാന്തര കൃതാനി ച
താനി താനി വിനഷ്യന്തി പ്രദക്ഷിണ പദേ പദേ
ജീവിതത്തിലെ ചില വ്യര്‍ത്ഥങ്ങളായ തിരക്കുകള്‍ നിര്‍ത്തി വെച്ച് ഈശ്വര ധ്യാനം ചെയ്യുവാന്‍ സമയം കണ്ടെത്തിയാല്‍ നമ്മുടെ ജീവിതം അത്രമേല്‍ സാര്‍ത്ഥമാകും.
പ്രദക്ഷിണത്തിന്റെ കൂടുതല്‍ "technicalities " അടുത്ത പോസ്റ്റില്‍...
Monday, November 30, 2009
Sunday, November 8, 2009
അമ്മി ചവിട്ടലും അമ്മി വിശേഷങ്ങളും....
ഓര്‍മ്മയുണ്ടോ ഈ മുഖം?
ചോദിക്കുന്നത് നമ്മുടെ സ്വന്തം അമ്മിയാണ്.
ഞങ്ങളുടെ വീട്ടിലെ അമ്മി ഇപ്പോഴും ഉപയോഗിക്കുന്നുന്ടെങ്ങിലും, ആട്ടുകല്ല് 'റിട്ടയര്‍' ചെയ്തു. അമ്മിയിലരച്ച അരപ്പ് കൊണ്ട് വെച്ച കൂട്ടാന്‍ കഴിച്ചവരാരും, അതിന്റെ നൂതന അവതാരമായ മിക്സിക്ക് മുഴുവന്‍ മാര്‍ക്കും കൊടുക്കില്ല . കാരണം, ആ ചിരവിയ തേങ്ങയും (ഇതു വേറൊരു പോസ്റ്റ്‌ ആക്കണം - ചിരവിയ തേങ്ങ Vs . frozen തേങ്ങ) പച്ചമുളക്, കറിവേപ്പില, ജീരകം, തുടങ്ങിയ ചേരുവകള്‍ മലയാളിക്ക് രുചിക്കുന്ന വിധത്തില്‍ അരഞ്ഞു കിട്ടണമെങ്കില്‍ അത് നമ്മുടെ അമ്മി തന്നെ വിചാരിക്കണം.
ഇപ്രാവശ്യം നാട്ടില്‍ പോയപ്പോള്‍ അനിയനും ഞാനും കൂടെ ഒരു തമിഴ്‌ കല്യാണത്തിന് പോയി. സപ്തപധി കഴിഞ്ഞുള്ള ചടങ്ങാണ് അമ്മി ചവിട്ടല്‍. ഹോമത്ത്തിനടുത്ത് വെച്ച അമ്മിയില്‍ വധുവിന്റെ കാലെടുത്തു വെക്കുന്ന വരന്‍.
ആ ചടങ്ങിന്റെ അര്‍ഥം ചുരുക്കത്തില്‍ ഇതാണ്: ഭാര്യയെന്ന നിലക്ക് നീ ചെയ്യുന്ന ജോലികളില്‍ മുഴുകുമ്പോഴും, വളരെ ധൈര്യപൂര്‍വ്വം എല്ലാവരോടും ഇടപെടണം. നിന്റെ ശത്രുക്കളോടു പോരുതുമ്പോഴും (വീടിന്റെ നായികയെന്ന നിലക്ക്), ഈ അമ്മി കണക്ക്ക് ഉറപ്പും മനോധൈര്യവും വേണം.
അനിയന്‍ അമ്മികണ്ടയുടനെ ചോദിച്ചു, ചേച്ചി നമ്മുടെ വീട്ടില്‍ സഹായത്തിനു നിന്ന അമ്മിനിയെടത്ത്തിയെ ഓര്‍മ്മയില്ലേ...
എങ്ങനെ മറക്കും അനിയാ അതൊക്കെ? നല്ല വള്ളുവനാടന്‍ രീതിയില്‍ കൂട്ടാനുകള്‍ വെച്ച് തന്ന അമ്മിനിയെടത്ത്തിയെ മറക്കാന്‍ പറ്റുമോ? വീട്ടിലെ മിക്സി അവര്‍
തൊടാറില്ല. എല്ലാം അമ്മിയില്‍ അരച്ചെടുത്ത് രുചിയായി
വെക്കുമായിരുന്നു. മുത്തശന്റെ ഒരു അകന്ന ബന്ധു ആയിരുന്നു അവര്‍. "കുട്യേ ഇത് നമ്മുടെ അടുക്കള അല്ലെ, ഫാക്ടറി ഒന്നും അല്ലല്ലോ യന്ത്രത്ത്തിലരക്കാന്‍ .."
അങ്ങനെ അനിയന്‍ ധൈര്യപൂര്‍വ്വം ഒരു അമ്മി പായ്ക്ക് ചെയ്തു. അച്ചന്‍ പറഞ്ഞു, എടാ ഇവിടത്തെ അമ്മി എടുത്തോണ്ട് പൊക്കോ, നിന്റെ അമ്മ അതൊന്നും തൊടുന്നില്ല..അവന്‍ പറഞ്ഞു, അത് വേണ്ടച്ചാ, ഞാന്‍ ഇവിടെ റിട്ടയര്‍ ആയി വരുമ്പോള്‍ ഉപയോഗിക്കാം എന്ന്. അച്ചന്‍ തല കുലുക്കി പുറത്തു പോയി.
അവന്‍ ചെറുതിലെ ഒരു പാചകപ്രിയനാണ്. മുത്തശന്‍ പറയുമായിരുന്നു, എല്ലാ കുട്ടികളും വേറെ എന്തെങ്കിലും കളിപ്പാട്ടങ്ങള്‍ വെച്ച് കളിക്കുമ്പോള്‍, അവന്‍ ഒരു ചട്ടുകം എടുത്തു കൊണ്ട് വന്നു, അടുക്കളക്കരനാകുമായിരുന്നു എന്ന്.
അമേരിക്കയിലെത്തിയ അമ്മി ഞങ്ങള്‍ക്ക് സ്വാദുള്ള കറികള്‍ തരുന്നുണ്ട്. അമ്മി നീണാള്‍ വാഴ്ക!
ചോദിക്കുന്നത് നമ്മുടെ സ്വന്തം അമ്മിയാണ്.
ഞങ്ങളുടെ വീട്ടിലെ അമ്മി ഇപ്പോഴും ഉപയോഗിക്കുന്നുന്ടെങ്ങിലും, ആട്ടുകല്ല് 'റിട്ടയര്‍' ചെയ്തു. അമ്മിയിലരച്ച അരപ്പ് കൊണ്ട് വെച്ച കൂട്ടാന്‍ കഴിച്ചവരാരും, അതിന്റെ നൂതന അവതാരമായ മിക്സിക്ക് മുഴുവന്‍ മാര്‍ക്കും കൊടുക്കില്ല . കാരണം, ആ ചിരവിയ തേങ്ങയും (ഇതു വേറൊരു പോസ്റ്റ്‌ ആക്കണം - ചിരവിയ തേങ്ങ Vs . frozen തേങ്ങ) പച്ചമുളക്, കറിവേപ്പില, ജീരകം, തുടങ്ങിയ ചേരുവകള്‍ മലയാളിക്ക് രുചിക്കുന്ന വിധത്തില്‍ അരഞ്ഞു കിട്ടണമെങ്കില്‍ അത് നമ്മുടെ അമ്മി തന്നെ വിചാരിക്കണം.
ഇപ്രാവശ്യം നാട്ടില്‍ പോയപ്പോള്‍ അനിയനും ഞാനും കൂടെ ഒരു തമിഴ്‌ കല്യാണത്തിന് പോയി. സപ്തപധി കഴിഞ്ഞുള്ള ചടങ്ങാണ് അമ്മി ചവിട്ടല്‍. ഹോമത്ത്തിനടുത്ത് വെച്ച അമ്മിയില്‍ വധുവിന്റെ കാലെടുത്തു വെക്കുന്ന വരന്‍.
ആ ചടങ്ങിന്റെ അര്‍ഥം ചുരുക്കത്തില്‍ ഇതാണ്: ഭാര്യയെന്ന നിലക്ക് നീ ചെയ്യുന്ന ജോലികളില്‍ മുഴുകുമ്പോഴും, വളരെ ധൈര്യപൂര്‍വ്വം എല്ലാവരോടും ഇടപെടണം. നിന്റെ ശത്രുക്കളോടു പോരുതുമ്പോഴും (വീടിന്റെ നായികയെന്ന നിലക്ക്), ഈ അമ്മി കണക്ക്ക് ഉറപ്പും മനോധൈര്യവും വേണം.
അനിയന്‍ അമ്മികണ്ടയുടനെ ചോദിച്ചു, ചേച്ചി നമ്മുടെ വീട്ടില്‍ സഹായത്തിനു നിന്ന അമ്മിനിയെടത്ത്തിയെ ഓര്‍മ്മയില്ലേ...
എങ്ങനെ മറക്കും അനിയാ അതൊക്കെ? നല്ല വള്ളുവനാടന്‍ രീതിയില്‍ കൂട്ടാനുകള്‍ വെച്ച് തന്ന അമ്മിനിയെടത്ത്തിയെ മറക്കാന്‍ പറ്റുമോ? വീട്ടിലെ മിക്സി അവര്‍
തൊടാറില്ല. എല്ലാം അമ്മിയില്‍ അരച്ചെടുത്ത് രുചിയായി
വെക്കുമായിരുന്നു. മുത്തശന്റെ ഒരു അകന്ന ബന്ധു ആയിരുന്നു അവര്‍. "കുട്യേ ഇത് നമ്മുടെ അടുക്കള അല്ലെ, ഫാക്ടറി ഒന്നും അല്ലല്ലോ യന്ത്രത്ത്തിലരക്കാന്‍ .."
അങ്ങനെ അനിയന്‍ ധൈര്യപൂര്‍വ്വം ഒരു അമ്മി പായ്ക്ക് ചെയ്തു. അച്ചന്‍ പറഞ്ഞു, എടാ ഇവിടത്തെ അമ്മി എടുത്തോണ്ട് പൊക്കോ, നിന്റെ അമ്മ അതൊന്നും തൊടുന്നില്ല..അവന്‍ പറഞ്ഞു, അത് വേണ്ടച്ചാ, ഞാന്‍ ഇവിടെ റിട്ടയര്‍ ആയി വരുമ്പോള്‍ ഉപയോഗിക്കാം എന്ന്. അച്ചന്‍ തല കുലുക്കി പുറത്തു പോയി.
അവന്‍ ചെറുതിലെ ഒരു പാചകപ്രിയനാണ്. മുത്തശന്‍ പറയുമായിരുന്നു, എല്ലാ കുട്ടികളും വേറെ എന്തെങ്കിലും കളിപ്പാട്ടങ്ങള്‍ വെച്ച് കളിക്കുമ്പോള്‍, അവന്‍ ഒരു ചട്ടുകം എടുത്തു കൊണ്ട് വന്നു, അടുക്കളക്കരനാകുമായിരുന്നു എന്ന്.
അമേരിക്കയിലെത്തിയ അമ്മി ഞങ്ങള്‍ക്ക് സ്വാദുള്ള കറികള്‍ തരുന്നുണ്ട്. അമ്മി നീണാള്‍ വാഴ്ക!
Subscribe to:
Posts (Atom)
